Ekologtar Óskemenniń qoqys polıgonyndaǵy órtke baılanysty tekserý júrgizýde
ÓSKEMEN. QazAqparat – Óskemen qalasynda qoqys polıgonyndaǵy órtke baılanysty ekologtar tekserý júrgizip jatyr, dep habarlaıdy QazAqparat tilshisi.
ShQO Ekologııa departamenti baspasóz qyzmetiniń málimetine súıensek, 25 sáýir men 13 mamyr aralyǵynda qoqys polıgonynda bolǵan 7 órt faktisi boıynsha materıaldar kelip túsken. Osyǵan oraı ınspektorlar ákimshilik is qozǵady.
«Anyqtalǵandaı, «ÓskemenSpetsKommýntrans» JShS polıgonnyń betin ınertti materıaldarmen tyǵyzdaý boıynsha júıeli túrde sharalar qabyldamaǵan. Sonyń saldarynan birneshe ret órt shyqty. Máselen, 25 sáýirde tilsiz jaýdyń aýmaǵy 200 sharshy metrdi qurasa, 26 sáýirde - 1 gektar, 30 sáýirde - 200 sharshy metr, 1 mamyrda - 10 sharshy metr, 5 mamyrda - 30 sharshy metr, 6 mamyrda - 1 gektar, 13 mamyrda 200 sharshy metrge jetken», - delingen aqparatta.
Qoqys polıgonyn paıdalaný kezinde ekologııalyq talaptardy buzǵan JShS-ǵa jalpy somasy 306 285 teńge mólsherinde 7 aıyppul salyndy. Sondaı-aq 18 shildede bolǵan sońǵy órtke qatysty atalǵan mekemege taǵy da jospardan tys tekserý júrgizilip jatyr.
