Ekologtar Qazaqstanda azııalyq pilderdi ósirýge usynys jasady
ASTANA. QazAqparat - Bir top elordalyq ekologtar Qazaqstanda azııalyq pilderdi ósirýge usynys jasady. Mamandar bul janýarlardyń Mańǵyshlaq túbeginde ómir súre alatynyna senimdi, dep habarlaıdy «Ekspress K» gazeti.
«Azııalyq pilder afrıkalyq pilderge qaraǵanda úlkendeý keledi, - deıdi ekolog Maǵaýııa Seısenov. - Bıiktigi 3,5 metrge jetip, salmaǵy 6 tonnadan asady. Azııalyq pildiń tóli qalyń júndi bolyp týady, alaıda ystyqtan ol túsip qalady. Batys Qazaqstan qysynyń jaǵdaıynda janýarlardyń terisi odan saıyn qalyńdar edi. Azııalyq pilderdiń azýlary da úlken, olardyń uzyndyǵy úsh-tórt metrge deıin jetedi. Sondyqtan Qazaqstanda bul janýarlar mamonttarǵa uqsar edi. Jalpy Mańǵyshlaq túbegi pilderdi ósirý úshin qolaıly. Ol úshin eshqandaı daıyndyqtyń keregi joq. Bar bolǵany birneshe tuqymdasty satyp alyp,olardy osynda ákelip, erkindikke jiberý kerek. Pilderdiń Qazaqstanǵa úırenip ketýine qaraǵandylyq haıýanattar baǵyndaǵy Batyr esimdi pil mysal bola alady».
Jabaıy pilderdi ósirý arqyly Qazaqstan osy joǵalyp bara jatqan túrge úles qosa alady. Sonymen birge, Batys Qazaqstan taǵy bir týrıstik basymdyqqa ıe bolady, dep jazady basylym.
