Ekologtar Qaraǵandy oblysynda balyqtyń jappaı qyrylý jaǵdaıyn aldyn aldy
7 shildede balyq sharýashylyǵy komıtetiniń Nura-Sarysý oblysaralyq basseındik balyq sharýashylyǵy ınspektsııasynyń qyzmetkerleri Instagram áleýmettik jelisine monıtorıng júrgizý barysynda Osakarov aýdanyndaǵy Qyzyl Kýt bógeti buzylǵany týraly habarlamany anyqtaǵan.
Vedomstvonyń málimetinshe, bul balyqtardyń qyrylý qaýpin týǵyzady.
«Janýarlardyń qyrylý qaýpi jáne ólimi anyqtalǵan kezdegi ózara is-qımyl syzbasyna sáıkes ınspektsııa oqıǵa ornyna bardy. Jedel top Qyzyl Kýt bógetiniń janyndaǵy sý qoımasynyń jaǵalaý jolaǵyn tolyq tekserdi, alaıda balyqtardyń qyrylýy anyqtalǵan joq. Balyqtyń qyrylýyna jol bermeý maqsatynda ortasha salmaǵy 135 gramm bolatyn 111 dana usaq tuqy (15 kg) aýlanyp, Oshaǵandy ózeniniń arnasyna jiberildi. Qazirgi ýaqytta sý aıdynynyń ıhtıofaýnasynyń jaı-kúıine monıtorıng jalǵasýda»,- dep málim etti Ekologııa, geologııa jáne tabıǵı resýrstar mınıstrliginiń baspasóz qyzmeti.
Aıta keteıik, Qyzyl Kýt bógeti Osakarov aýdanynyń Krestovka aýylynan 20 shaqyrym qashyqtyqta ornalasqan. Sý aıdynynyń aýdany - shamamen 20 ga.
