Ekologtar atyraýlyqtardyń shaǵymynan keıin aýa quramyn tekserdi
ATYRAÝ.KAZINFORM - Ekologtar 24 mamyr kúni aýadaǵy jaǵymsyz ıiske baılanysty qala turǵyndarynyń shaǵymynan keıin aýa quramyna tekseris júrgizdi.
Atyraý oblysy boıynsha ekologııa departamentiniń málimetinshe, synama alý jumysy Avangard yqshamaýdanyn, Jeńis saıabaǵyn, «Atyraý munaı óńdeý zaýyty» JShS-niń sanıtarlyq qorǵaý aımaǵynan tys jerden Mırnyı, Proparka aýa sapasyn baqylaý stantsııalarynyń mańyn qamtydy.
- Synama alý barysynda atmosferalyq aýadan kúkirsýtek, metan, kómirtek monooksıdi, azot dıoksıdi, kúkirt dıoksıdi lastaýshy ıngredıentterine taldaý júrgizdi. Jeldiń baǵyty ońtústik batystan, jyldamdyǵy 6 m/s. Monıtorıng nátıjesinde atmosferalyq aýada zııandy zattardyń ruqsat etilgen shekti shoǵyrlanýdan asý faktileri anyqtalmady, - delingen resmı habarlamada.
Búgin elimizdiń alty qalasynda aýa sapasy nasharlaıtynyn jazǵan edik.
