Ekologtar: 20 jyldan soń pilder joıylyp ketýi múmkin
ASTANA. QazAqparat - Ár 15 mınýt saıyn jer betinde bir pil, ár 9-11 saǵat saıyn bir múıiztumsyq óltiriledi. Jyl saıyn brakonerler 35 myń pil jáne 1 myń múıiztumsyqtyń kózin joıady.
Eger dál osy qarqyn saqtalatyn bolsa, onda 20 jyldan soń jer betinen alyp sútqorektiler joıylyp ketedi, deıdi pilder men múıiztumsyqtardy qorǵaýshylar. Olardyń uıymdastyrýymen ótken senbide jahandyq marsh búkil kontınentterde bolyp ótti. Álemniń 136 qalasynda pilder men múıiztumsyqtardyń maskasyn kıgen adamdar kóshege shyqty. Olardyń maqsaty - osy haıýandardy aman saqtap qalý úshin ún qatý.
AQSh-tyń Kolorado shtaty ýnıversıtetiniń zertteýshileri pilderdiń týýy ólýine qaraǵanda az ekendigin anyqtaǵan, dep jazady "Moıa planeta".
Aıta keteıik, 2010-2012 jyl aralyǵynda brakonerler qolynan 100 myń pil ólim qushqan. Olardyń eki múıiziniń quny $10 asady. Negizgi suranys Qytaıdan túsedi.
