Ekologııany jaqsartýǵa úles qosqan 26 kásiporynǵa 105 mln teńge tólendi
«Jasyl damý» AQ «Óndirýshilerdiń keńeıtilgen mindettemeleri operatory» JShS rastalǵan mindettemesi boıynsha «EcoQolday» jobasynyń qatysýshylaryna tólem júrgizýdi bastady.
Oryndaǵan mindettemelerin rastaıtyn qujatty ýaqtyly usynǵan 26 kompanııaǵa búgingi kúni 105 mıllıon teńgeden astam qarjy tólendi.
Esterińizge sala keteıik, avtokomponentter men qaptama qaldyqtaryn jınap, kádege jaratý boıynsha «EcoQolday» jobasyna qatysqan kásiporyndardyń rastalǵan mindettemeleri oryndalatyny habarlanǵan bolatyn.
Óndirýshilerdiń keńeıtilgen mindettemeleri operatorymen jasalǵan burynǵy shart sheńberinde mindettemesin oryndaǵan, kórsetilgen qyzmetterdi qujat júzinde rastaǵan kontragentterge 2021 jyldyń 4-toqsanyna tólem jasalady.
Ony alý úshin «ÓKM operatory» JShS jasaǵan sharttyń quqyqtar men mindettemelerin kásiporyndar «Jasyl damý» AQ-na berý jóninde jazbasha kelisim men negizdemelik shartqa qosymsha úshjaqty kelisim jáne 30 sáýirge deıingi salystyrý aktilerin usynýy qajet.
