Ekologııany buzǵandar bıýdjetke 5 mlrd teńge tóleıdi
ASTANA. QazAqparat - 2017 jyly elimizdiń ekologııa talaptaryn buzǵan kásiporyndarǵa 5 mlrd teńgege jýyq aıyppul salyndy. Bul týraly Ortalyq kommýnıkatsııalar qyzmetindegi baspasóz máslıhatynda QR Energetıka mınıstrligi Ekologııalyq retteý jáne baqylaý komıtetiniń tóraǵasy Ahmetjan Pirimqulov aıtty, dep habarlaıdy QazAqparat.
«Ótken jyly respýblıka boıynsha 1753 tekserý júrgizilip, zańbuzýshylyqtar boıynsha shamamen 5 mlrd teńgege aıyppul salyndy. Aıyppuldardyń 89,95 paıyzy óndirildi. Al shyǵyndar boıynsha 90 paıyzdan aspaıdy. Munyń nelikten ekendigin de túsindire keteıin. Eger aıyppuldardy óndirip alý aıtarlyqtaı jeńildetilse, sot tártibimen shyǵyndardy óndirý protsedýrasy sot úkimi shyqqan soń birden zańdy kúshine enip, odan keıin ǵana májbúrlep óndirý sharasy qoldanylady», - dedi komıtet tóraǵasy.
Onyń aıtýynsha, óz erkimen aıyppuldardy óteý kórsetkishi shamamen 40 paıyzdy quraıdy. Al ótken jyly ekologııa talapttaryn buzǵandarǵa salynǵan jalpy aıyppuldyń 30-40 paıyzy munaı sektoryna tıesili bolyp otyr.
Aıta keterligi, qazirgi ýaqytta Energetıka mınıstrliginde qoldanystaǵy Ekologııalyq kodekske mańyzdy ózgerister men tolyqtyrýlar ázirleý úshin jumys toby quryldy. Oǵan múddeli memlekettik organdar, halyqaralyq, úkimettik emes uıymdar, «Atameken» Ulttyq kásipkerler palatasynyń ókilderi kiredi. Bıyl Ekologııalyq kodekstiń tujyrymdamasyn ázirleý jáne ony zań jobalaý jumystarynyń josparyna engizý kózdelgen. Kodekstiń jobasy Qazaqstan Parlamentiniń qaraýyna 2019 jyldyń aıaǵynda engizý kózdelgen.
