Ekologııalyq zań buzýshylyqtar úshin jaýapkershilik kúsheıtildi: Toqaev qujattarǵa qol qoıdy
ASTANA. QazAqparat - Memleket basshysy Qasym-Jomart Toqaev ekologııalyq quqyq buzýshylyqtar jáne vandalızm kórinisteri úshin jaýaptylyqty kúsheıtý boıynsha Qylmystyq jáne Qylmystyq-protsestik kodeksterine, Ákimshilik quqyq buzýshylyq týraly kodeksine ózgeris engizetin Zańdarǵa qol qoıdy, dep habarlaıdy QazAqparat Aqordaǵa silteme jasap.
Atap aıtqanda, Q.Toqaev «Qazaqstan Respýblıkasynyń Qylmystyq jáne Qylmystyq-protsestik kodeksterine ekologııalyq quqyq buzýshylyqtar jáne vandalızm kórinisteri úshin jaýaptylyqty kúsheıtý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy.
Sondaı-aq Prezıdent «Qazaqstan Respýblıkasynyń Ákimshilik quqyq buzýshylyq týraly kodeksine ekologııalyq quqyq buzýshylyqtar jáne vandalızm kórinisteri úshin ákimshilik jaýaptylyqty kúsheıtý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy.
Zańdardyń mátini baspasózde jarııalanady.
Aıta keteıik, qujattar ulttyq parkterdi jáne basqa da tabıǵı baılyqtardy qorǵaýdy kózdeıdi.
Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń málimetinshe, bul qujat QR Prezıdentiniń 2020 jylǵy 14 qyrkúıektegi Jarlyǵymen bekitilgen Quqyq buzýshylardy ákimshilik jáne qylmystyq qýdalaýdy kúsheıte otyryp, Qazaqstannyń tabıǵı baılyǵyn qorǵaýdy kózdeıtin quqyqtyq sharalardy daıyndaý jónindegi jalpyulttyq is-sharalar josparyn iske asyrý maqsatynda ázirlendi.
Zań aıasynda Qazaqstannyń ulttyq saıabaqtaryn jáne basqa da tabıǵı baılyǵyn ekologııalyq zalaldardan: jerdi búldirýden, aǵashtardy zańsyz kesýden, erekshe qorǵalatyn tabıǵı aýmaqtardy paıdalaný rejımin buzýdan, jer qoınaýyn óz betinshe paıdalanýdan jáne qorshaǵan ortaǵa qoǵamdyq qaýip tóndiretin ózge de is-áreketterden qorǵaıtyn quqyqtyq normalar belgilenedi.
Ekologııalyq zalal úshin jaýaptylyqty kúsheıtý maqsatynda Qylmystyq jáne Qylmystyq-protsestik kodeksterde aǵashtar men butalardy zańsyz keskeni, joıǵany nemese zaqymdaǵany, jer qoınaýyn óz betinshe paıdalanǵany ári basqa da quqyqqa qarsy áreketter úshin jaýaptylyq deńgeıi artty. Sondaı-aq vandalızm kórinisteri, qoǵamdyq jáne jeke múlikti búldirgeni úshin jaýaptylyqty qatańdatý kózdelgen.
