Ekologııalyq uıymdar elimizde AES qurylysy jobalaryna moratorıı engizýge shaqyrýda
Bul týraly búgin elordada ótip jatqan «Fýkýsıma apatynan keıingi jyl: Qazaqstan úshin qazirgi qaýipter jáne bolashaq energııasy» taqyrybyndaǵy dóńgelek ústel barysynda Áleýmettik-ekologııalyq qorynyń basshysy Qaısha Atahanova aıtty.
«Ekologııalyq táýekelderdi baǵalaı otyryp, Kaspıı teńiziniń soltústik akvatorııasynyń seısmıkalyǵy munaı óndirýge baılanysty óse túsetindigin eskerý qajet ári qazirdiń ózinde sarapshylar jer silkinisi qýatyn 7-9 ball deńgeıinde baǵalap otyr. Buǵan qosa Kaspıı tuıyq sý qoımasy. Sondyqtan da sýdyń sál ǵana radıoaktıvti zalaldanýy transshekaralyq sý basseıinde halyqaralyq apatqa bastaıdy», - dedi ol.
Máselen, onyń atap ótýinshe, Japonııanyń úkimettik komıssııasy sarapshylarynyń aldyn ala málimetteri boıynsha Fýkýsıma-1-degi 6 reaktordyń 4-eýin bólshekteýge 12 mlrd. dollar qarjy qajet ári oǵan 30 jyl ýaqyt ketedi.
«Biz óz ustanymymyzdyń durystyǵyna nyq senimdimiz jáne atom energııasyn paıdalanýdyń maqsattylyǵy máselesine qatysty strategııalyq qujattardy Qazaqstan Úkimetiniń qaıta qaraýyn úndeımiz ári Qazaqstanda AES qurylysy jobalaryna moratorıı engizýge shaqyramyz», - dedi Q.Atahanova.
