Ekologııalyq túsindirme sózdik ázirlenip jatyr - Qorshaǵan ortany qorǵaý mınıstrligi
ASTANA. Qyrkúıektiń 16-sy. QazAqparat /Qanat Mámetqazyuly/ ‑ Jaqyn aralyqta elimizde ekologııalyq túsindirme sózdik jaryq kóredi.
Bul týraly búgin QR Qorshaǵan ortany qorǵaý mınıstrliginde ótken alqa májilisinde vedomstvo basshysy Nurǵalı Áshimov málim etti, dep habarlaıdy QazAqparat.
«Qazirgi tańda ekologııalyq termınderdi durys qoldanbaý, qate túsindirý jaǵdaılary oryn alyp jatady. Bul, ásirese, resmı qujattardy orys tilinen qazaq tiline aýdarǵanda kóp oryn alatyny da shyndyq. Tipti zań jobalarynyń mátinderinde de keıbir kezderi jekelegen termınderdiń qate aýdarylatyny bar», dedi Qorshaǵan ortany qorǵaý mınıstri N. Áshimov. Onyń aıtýynsha, osyndaı máselelerdiń aldyn alý úshin aldaǵy ýaqytta ekologııalyq túsindirme sózdik shyǵarý josparlanýda. Osy maqsatta mınıstrlikte qazaqsha‑oryssha‑qazaqsha ekologııalyq túsindirme sózdiginiń jobasy ázirlengen. Eki myńǵa jýyq ekologııalyq termınderdi qamtyǵan sózdik mınıstrlik alqasy tarapynan maquldanǵan, endigi kúni sarapshylar men ǵalymdardyń eskertpeleri boıynsha tolyqtyrýlar jasalatyn bolady.
