Ekologııalyq tólemderdiń 70 paıyzy tabıǵatty qorǵaý sharalaryna jumsalýy tıis

NUR-SULTAN. QazAqparat - Qazaqstanda jergilikti atqarýshy organdar ekologııalyq tólemderdiń 70 paıyzyn tabıǵatty qorǵaý sharalaryna jumsaýǵa mindetteledi.

Bul týraly búgin QR Energetıka mınıstrligi Ekologııalyq retteý jáne baqylaý komıteti tóraǵasynyń orynbasary Zulfyhar Joldasov aıtty, dep habarlaıdy QazAqparat tilshisi.

«Qorshaǵan ortaǵa emıssııa úshin tólemder men bıýdjet qarajatyn maqsatty paıdalaný óte mańyzdy taqyryp. Birinshi sanattaǵy kásiporyndarǵa lastaýshy zattar emıssııasy úshin stavkalar men tólemderdi aıtarlyqtaı arttyrý, al jańa qoljetimdi tehnologııalardy engizgen kásiporyndar úshin nóldik stavka qoldan kózdelip otyr», - dedi ol elordada ótip jatqan «Ekologııalyq zańnamany reformalaý - qazirgi ahýaly men bolashaǵy» taqyrybyndaǵy pikirtalas alańynda.

Osy rette komıtet tóraǵasynyń orynbasary tabıǵatty qorǵaý sharalaryna arnalǵan ekologııalyq tólemderdiń shyǵyny keminde 70 paıyz bolýy kerektigin aıtty.

«Búgingi kúni jergilikti atqarýshy organdardyń ekologııalyq tólemderdi tabıǵatty qorǵaý sharalaryna jumsamaýy nemese bul maqsatqa bolar-bolmas paıyzyn jaratýyna qatysty kóptegen syn bar. Biz bul máseleni zańda qarastyrmaqpyz. ıAǵnı, bul sharalarǵa ketetin shyǵyndar ekologııalyq tólemderdiń keminde 70 paıyzyn quraýy tıis», - dedi Zulfyhar Joldasov.

Aıta keteıik, «Qazaqstannyń ekologııalyq uıymdary qaýymdastyǵy» ZTB uıymdastyrǵan sharada elimizdiń jańa Ekologııalyq kodeksiniń jobasy talqylandy.