Ekologııalyq talaptardy buzǵany úshin aıyppul mólsheri 5 ese ósti

NUR-SULTAN. QazAqparat - Elordada ruqsat etilmegen qoqys úıindilerin joıý boıynsha kúsheıtilgen jumystar júrgizilýde. Bul týraly QazAqparat ákimdikke silteme jasap habarlaıdy.

Elorda ákimdiginiń Qorshaǵan ortany qorǵaý jáne tabıǵatty paıdalaný basqarmasy habarlaǵandaı tártip buzýshylar qysta qardyń astyna jasyryp qurylys qoqystaryn shyǵarady. Sonymen, taǵy 12 ýchaske joıylyp, 2 myń tonnaǵa jýyq qoqys shyǵaryldy. 2021 jyly 330-dan astam ruqsat etilmegen qoqys úıindisi joıylyp, 60 myń tonnadan astam qoqys shyǵaryldy, al 2020 jyly 220-dan astam ýchaske joıylǵan bolatyn.

Ruqsat etilmegen qoqys úıindileri paıda bolmas úshin ótken jyldyń maýsym aıynan bastap ekologııalyq talaptardy buzǵany úshin ákimshilik aıyppul mólsheri 5 ese ósti. Jeke tulǵalar úshin 10 AEK-ten 50 AEK-ke deıin, shaǵyn kásipkerlik sýbektileri nemese kommertsııalyq emes uıymdar úshin 20 AEK-ten 100 AEK-ke deıin, orta kásipkerlik sýbektileri úshin 30 AEK-ten 100%-ǵa deıin, al iri kásipkerlik sýbektileri úshin 200%-ǵa dıin.

2022 jyldyń basynan beri 659 quqyq buzýshy ákimshilik jaýapkershilikke tartylyp, 7 mln 400 myń teńgeden astam somaǵa aıyppul salyndy.

Aýdandyq ákimdikter, Ekologııa departamenti, Tabıǵatty qorǵaý polıtsııasy, «Ikomek 109» qyzmeti «Sergek» qalalyq beınebaqylaý kameralary arqyly sanktsııalanbaǵan qoqys úıindileriniń paıda bolýyna jol bermeý, tártip buzǵandardy jaýapkershilikke tartý úshin kúsheıtilgen jumys júrgizip jatyr.