Ekologııalyq senbilik: Kókshetaýda 232,5 tekshe metr qoqys jınaldy
KÓKShETAÝ. QazAqparat - Ekologııalyq aılyq sheńberinde Kókshetaý qalasynyń aýmaǵyn abattandyrý jáne sanıtarlyq tazalaý boıynsha ekologııalyq senbilik ótti, dep habarlaıdy QazAqparat tilshisi.
Senbilikke jergilikti kásiporyndar, memlekettik mekemeler, kommýnaldyq kásiporyndar, PIK jáne basqa da bıýdjetti uıymdar men joǵary, orta bilim ordalarynyń stýdentteri jáne qala turǵyndary jumyldyryldy.
Sondaı-aq, Aqmola oblysynyń ákimi Ermek Marjyqpaev ta qolyna jumys qolǵabyn kıip, qalany qoqystan tazartý jumystaryna qatysty.
Qala ákimdiginiń aqparatyna sáıkes, senbilikte oblys ortalyǵyndaǵy gúlbaqsha men gúlzarlardy tazalaýmen qatar, qul-qoqystar men basqa da turmystyq qaldyqtardan tazartý, kóshetterdiń túbi men kóshe jıektastaryn aqtaý sııaqty jumystar isteldi.
Senbilikte jınalǵan 232,5 tekshe metr qoqys 19 arnaıy kólikpen qala syrtyndaǵy qatty-turmystyq qaldyqtardy tógetin polıgonǵa tasymaldandy.
