Ekologııalyq sana ómir boıy qalyptasady - Raýan Kenjehanuly
NUR-SULTAN. QazAqparat - Qorshaǵan ortany qorǵaý - bala kezden ómirdiń sońyna deıin belsendi áreketti talap etedi. Bul týraly ekologııalyq bilimge qatysty Facebook-tegi KUN.KZ ashyq medıa platformasynda ótken onlaın konferentsııada aıtyldy, dep habarlaıdy QazAqparat tilshisi.
«Ekologııa - mektep pánimen ǵana shektelmeıtin aýqymdy taqyryp. Ekologııalyq bilim berýge qatysty alǵashqy másele 1977 jyly Tbılısıde ótken konferentsııada talqylanǵan. Osy konferentsııada da «bul bilim berý me, álde ekologııaǵa qatysty sana qalyptastyrý ma?» degen másele tóńireginde áńgime qozǵaldy. Sodan beri kele jatqan tájirıbe bul - bilim berý ǵana emes, qoǵamda ekologııalyq sana qalyptastyrý maqsatyn ustanǵan qozǵalysqa aınalyp kele jatyr», - deıdi WikiBilim negizin qalaýshy, Ulttyq senim keńesiniń múshesi Raýan Kenjehanuly.
Ol ekologııalyq sana neden qalyptasatyny týraly aıtty.
«Birinshiden, qorshaǵan orta týraly bilim kerek. Ekologııalyq bilim bir emes, barlyq pán aıasynda berilýi kerek. Ekinshiden, alǵan bilim negizinde tabıǵatqa, qorshaǵan ortaǵa degen kózqaras qalyptasady. Osynyń negizinde qorshaǵan ortamen qarym-qatynas túzýge arnalǵan daǵdylar qalyptasady. Osylardyń negizinde belsendi áreketke daıyndyq qalyptasady. Qorshaǵan ortany qorǵaý - bala kezden ómirdiń sońyna deıin belsendi áreketterdi talap etedi», - deıdi ol.
Onyń aıtýynsha, ekologııalyq sana ómir boıy qalyptasatyn dúnıe.
«Ómir boıy oqıtyn bolsaq, ol mekteptegi jekeleı pán emes, bizdi qorshaǵan barlyq aqparat. Ol - balalar ádebıeti, mýltfılm, fılm, jarnama jáne medıa salasyndaǵy jumystar. Bul úlken ǵalamdyq qozǵalys bolǵannan keıin biz halyqaralyq uıymdardyń osy salada jınaǵan tájirıbesin zerttep, qaraımyz. Bul qozǵalystyń álem boıynsha qaǵıdasy - ǵalamdyq deńgeıde oıla, biraq aımaqtyq deńgeıde áreket et. ıAǵnı, bala muzdyqtardyń erýi máselesi týraly oılasa, ol Antraktıdadaǵy muzdyqtardy emes, Alataýdyń muzdyǵy týraly oılaýy kerek. Al shóleıt jerler týraly oılaǵanda Afrıkanyń shóli emes, Mańǵystaýdyń shóli men ony sheshý máseleleri týraly oılaýy kerek. Bul óte mańyzdy», - deıdi Raýan Kenjehanuly.
Eske sala ketsek, Prezıdent Qasym-Jomart Toqaev 10 shilde kúni Úkimettiń keńeıtilgen otyrysynda mektep baǵdarlamasyna «Balalardyń ekologııalyq bilimi» atty jańa pán engizýdi tapsyrǵan bolatyn.
