Ekologııalyq quqyq buzýshylyq úshin tabıǵatty paıdalanýshylardyń jaýapkershiligin qataıady
ASTANA. 8 maýsym. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine ekologııalyq máseleler boıynsha ózgerister men tolyqtyrýlar engizý týraly » zań jobasyn birinshi oqylymda maquldady.
Atalǵan zań jobasymen Ekologııalyq, Qylmystyq, Salyq, Bıýdjet kodeksterine, «Ákimshilik quqyq buzýshylyqtar týraly» kodekske jáne basqa da zańnamalarǵa birqatar baǵyttar boıynsha ózgerister engizý kózdeledi. Atap aıtqanda, jınaqtalǵan qaldyqtar kólemin azaıtýdy yntalandyrý, ekologııalyq quqyq buzýshylyqtar úshin qylmystyq jáne ákimshilik jaýapkershilikti kúsheıtý, qoldanystaǵy zańnamaǵa Kıoto hattamasynyń quqyqtyq tetikterin engizý sharalary kózdeledi. Budan bólek, elimizdiń gıdrometeorologııalyq qyzmetiniń jumysyn retteıtin normalardy jetildirý jóninde zańnamalyq ózgertýler qarastyrylady. «Sońǵy bes jylda ekologııalyq quqyq buzýshylyqtardyń óreskel túrde buzylýyna qaramastan, birde bir kináli qylmystyq jaýapkershilikke tartylǵan emes. Al zańnamadaǵy dálsizdik qylmyskerlerge jazadan qutylyp ketýge jaǵdaı týǵyzyp otyr. Osy jaıtty durystaý úshin zań jobasymen asa iri mólsherde atmosferany lastaǵany boıynsha ekologııalyq qylmystyń ólshemderi engiziledi. Zalal mólsheri qoldanystaǵy tájirıbe boıynsha 50 myń aılyq eseptik kórsetkish jáne odan da joǵary bolyp anyqtalǵan. Bundaı túzetýler ekologııalyq kodekstiń normalarynyń múltiksiz oryndalýyn qamtamsyz etedi», - dedi zań jobasy boıynsha baıandaǵan Qorshaǵan ortany qorǵaý mınıstri Nurǵalı Áshim. Onyń aıtýynsha, zań jobasymen iri kompanııalarǵa qaldyqtardy basqarý týraly baǵdarlama jasaý mindetteledi. Bul shara 2013 jyldyń qańtarynan bastap júzege asa bastaıdy. Al ol baǵdarlamada qamtylǵan kórsetkishter oryndalmaǵan jaǵdaıda iri mólsherde aıyppul sanktsııalaryn qoldaný kózdelgen.
Sonymen qatar mınıstr qujat boıynsha parnıkti gazdardyń shyǵaryndysyn bólý tetikteri de engiziletinin atap ótti. «2014 jyldan bastap, parnıkti gazdardyń shyǵarylymy jylyna 20 myń tonnadan asatyn tabıǵatty paıdalanýshylar, ıaǵnı munaıgaz, taý-ken, hımııalyq sala ónerkásibi, aýyl sharýashylyǵynyń iri kásiporyndary sáıkes kvotalar alýlary tıis», - deıdi N. Áshim.
