Ekologııalyq etıkany qalyptastyrýǵa úndeıtin ekosofııa tujyrymdamasy bekitiledi

NUR-SULTAN. QazAqparat - Ekologııalyq etıkany qalyptastyrýǵa úndeıtin ekosofııa tujyrymdamasy bekitilip, kelesi jyldyń josparyna engiziledi. Bul týraly Aqordada ótken Qoǵamdyq sanany jańǵyrtý jónindegi ulttyq komıssııa otyrysynda QR Aqparat jáne qoǵamdyq damý mınıstri Aıda Balaeva aıtty, dep habarlaıdy QazAqparat tilshisi.

«Qurmetti Qyrymbek Eleýuly! Jańa aıtyp óttim, álemdi sharlaǵan KOVID-19 bizdiń josparymyzǵa tikeleı áserin tıgizdi. Osy oraıda, jyl basyndaǵy Ózińizdiń Ulttyq komıssııa otyrysynda da, tamyz aıyndaǵy «Ana tili» gazetindegi maqalańyzda da kórsetilgen tapsyrmańyzǵa saı pandemııa týdyrǵan qoǵamdaǵy ózgeristerge baılanysty birqatar jańa arnaıy jobalar iske qosyldy«, - dedi mınıstr otyrysqa tóraǵalyq etken QR Memlekettik hatshysy Qyrymbek Kósherbaevqa qarata.

Osy oraıda ol atalǵan jobalarǵa keńinen toqtalyp ótti.

»Jalpy, bul baǵytta jyl basynda mınıstrlik janyndaǵy Qoǵamdyq damý ınstıtýty 12 joba daıyndaǵan bolatyn. Onyń ishinen Prezıdent Ákimshiliginiń sheshimimen 4 arnaıy joba iriktelip alyndy. Olar: Elbasymyz aıtqan pragmatıkalyq ómir saltyna, básekege qabilettilik pen ozyq bilimge negizdelgen «Únem – qoǵam qýaty»; daraqylyq pen ysyrapshyldyq, bos maqtan men ózimshildikten arylýǵa baǵyttalǵan «Dástúr men ǵuryp»; eldiń quqyqtyq saýatyn kóterip, sanasyn ashýǵa baǵyttalǵan «Quqyqtyq mádenıet»; eńbekqorlyǵy men masyldyqtan bas tartý, kásip jasaý sııaqty qasıetterin dáripteıtin «Eńbek – eldiń muraty» degen arnaıy jobalar. Árıne, olardyń qamtıtyn taqyryptyq sheńberi ataýynan áldeqaıda keń«, - dedi Aıda Balaeva.

Mysaly, mınıstrdiń aıtýynsha, búgingi tańda, ásirese, qoǵamnyń ekologııalyq mádenıetin kóterý óte ózekti.

»Ol týraly El Prezıdenti túrli minberden aıtyp keledi. Sondyqtan da, biz osy saladaǵy qoǵamdyq uıymdarmen birlese otyryp, jańa ekologııalyq etıkany qalyptastyrýǵa úndeıtin – ekosofııa tujyrymdamasyn bekitip, kelesi jyldyń josparyna engizýdi kózdep otyrmyz. Sol sııaqty, «Dástúr men ǵuryp» arnaıy jobasy aıasynda din salasynda «As berý mádenıeti» jáne «Mazar ádebi» sııaqty reglamenttik qujattardy daıyndaýdy qolǵa alsaq, «Eńbek – eldiń muraty» jobasy aıasynda NEET sanatyndaǵy jastarmen keshendi jumys júrgizýdi josparlap qoıdyq«, - dedi ol.

Onyń atap ótýinshe, qazirgi tańda osy 4 arnaıy joba aıasyndaǵy praktıkalyq sharalar zııaly qaýym men ártúrli áleýmettik top ókilderiniń ortaq pikirlesýi nátıjesinde jasaqtalyp, qoǵam tarapynan qoldaý taýyp otyr.

Eske sala keteıik, Memlekettik hatshy Qyrymbek Kósherbaevtyń tóraǵalyǵymen ótken komıssııa otyrysynda «Rýhanı jańǵyrý» baǵdarlamasyn odan ári tereńdetip Ulttyq jańǵyrý kezeńine ótkizýdiń arnaıy Jol kartasyn jasaý qajet degen sheshim qabyldandy. Bul qujat asa mańyzdy ulttyq joba retinde júrgiziledi.

Ulttyq jańǵyrý jobasynyń eń basty máni – Ulttyń básekege qabilettiligin arttyrý. Bul – ulttyq jańǵyrýdyń strategııalyq maqsaty bolyp qalady. Jol kartasynda Memlekettik til mártebesin arttyrý, Bilim jáne ǵylymdy damytý, Joǵary ulttyq jáne jalpyadamzattyq qundylyqtar negizinde rýhanı-adamgershilik jáne patrıottyq tárbıe berý, Eńbek adamyn qalyptastyrý, Aýyldy túletý sııaqty t.b keshendi is-sharalar qamtylady. Memlekettik hatshy otyrysty qorytyndylaı kele, «Rýhanı jańǵyrý» baǵdarlamasynyń basym baǵyttary boıynsha jumysty odan ári jandandyrý boıynsha naqty tapsyrmalar berdi.