Ekologııalyq apatqa tap bolýymyz múmkin - Prezıdent qaldyq sýdy kádege jaratý týraly

QONAEV. QazAqparat – Almaty oblysynda sý tapshy. Memleket basshysy Qasym-Jomart Toqaev óńir jurtshylyǵymen kezdesýinde Úkimet pen ákimdikke tapsyrmalar júktedi, dep habarlaıdy QazAqparat Aqordaǵa silteme jasap.

«Búginde Úlken Almaty kanalynyń jaǵdaıy syn kótermeıdi. Qazir bul kanal 60 myń gektar jerge sý jetkizedi. Biraq, iske qosylǵannan beri oǵan birde-bir kúrdeli jóndeý júrgizilmegen. Ákimdik Úkimetpen birlesip, bul jumysty shuǵyl qolǵa alýǵa tıis.

Sý tapshylyǵy bolǵandyqtan, Sorbulaqtyń tazartylǵan sýyn paıdalaný máselesi ózekti bolyp otyr. Qazir Sorbulaqtyń sýymen 2,7 myń gektar egis alqaby sýarylady. Bul sý qoımasyn shamadan tys tolyp ketýden saqtaıdy. Áıtpese, ekologııalyq apatqa tap bolýymyz múmkin.

Alaıda, munyń bári áli kúnge deıin rettelmegen. Sondyqtan, qaldyq sýdy tazartyp, kádege jaratýdyń erejesin ázirleýdi tapsyramyn. Sonda sýarmaly jerdiń aýmaǵyn keńeıtýge múmkindik týady», - dep tapsyrdy Prezıdent.