Ekologııalyq aktsııa: Kókshetaýda 30 qaraǵaı otyrǵyzyldy
KÓKShETAÝ. QazAqparat - QR Memlekettik qyzmet isteri agenttiginiń Aqmola oblysy boıynsha departamentiniń qyzmetkerleri Aqmola oblysynyń «Rýhanı jańǵyrý» óńirlik jobalyq keńsesiniń bastamasymen uıymdastyrylǵan «Kókshetaý - kók qaraǵaı mekeni» ekologııalyq aktsııasyn jalǵastyrdy, dep habarlaıdy QazAqparat tilshisi.
Qazaqstan Respýblıkasy Táýelsizdiginiń 30 jyldyǵyna oraı uıymdastyrylǵan shara barysynda memlekettik qyzmetshiler Abylaı han dańǵyly men Tóleý Súleımenov kóshesiniń qıylysyndaǵy «Arqar» músindik kompozıtsııasynyń janynda ornalasqan shaǵyn saıabaqqa 30 qaraǵaı otyrǵyzdy.
Departament basshysy Bergen Bespalınov óz sózinde aǵash otyrǵyzý – bul tek óz ólkesin kógaldandyrý ǵana emes, sonymen qatar tabıǵatqa uqypty qaraýǵa tárbıeleý ekenin atap ótti.
Aıta ketsek, bul aktsııa ekinshi jyl jalǵasýda. Oǵan qala turǵyndary, shaǵyn jáne iri kásiporyndardyń ókilderi, memlekettik mekemelerdiń qyzmetkerleri qatysa alady.
