Ekologııalyq aktsııa: Qazaqstanda 11 myń tonnadan astam qoqys jınaldy

NUR-SULTAN. QazAqparat - Qazaqstannyń barlyq óńirlerinde «World CleanUp Day 2021» Dúnıejúzilik aktsııasy ótti. Bul týraly QazAqparat Ekologııa mınıstrligine silteme jasap.

QR Ekologııa, geologııa jáne tabıǵı resýrstar mınıstrligi uıymdastyrǵan sharaǵa 18 myńnan astam adam qatysty. Jınalǵan qoqys kólemi 11 myń tonnadan asty. 23 myń gektar aýmaq jınalyp, 1800-ge jýyq aǵash otyrǵyzyldy.

Bıyl búkil el boıynsha tazalaý úshin myńnan astam oryn anyqtaldy. Nur-Sultan qalasyndaǵy negizgi alań Almaty aýdanyndaǵy Nura-Esil kanalynyń boıyndaǵy ýchaske boldy.

«World CleanUp Day» Búkilálemdik aktsııasy qoqysty jınaýǵa ǵana emes, ony suryptap, qaıta óńdeýge de baǵyttalǵan. Suryptalǵan qoqystardan bıylǵy jyly qaıta óńdeýge shyny, plastık, rezeńke, qaǵaz, karton, metall sııaqty eki myń tonna qaldyq tapsyryldy.

Mundaı aktsııalar halyq arasynda ekologııalyq mádenıetti odan ári qalyptastyryp, qorshaǵan ortaǵa qurmetpen qaraýǵa úıretedi ári jastardyń týǵan jeriniń tabıǵatyn qurmetteýine ynta beredi.