Ekologııalyq aktsııa: Qaraǵandy oblysynda 3 myń gektarǵa jýyq aýmaqtan qoqys jınaldy
QARAǴANDY. QazAqparat – «Taza tabıǵat» jobasy aıasynda Qaraǵandy oblysynda aǵash otyrǵyzý jáne qoqystan tazartý jumysy bastaldy. Osylaısha «Birge taza Qazaqstan» aktsııasy barysynda 2974,9 ga aýmaqtan qoqys shyǵarylyp, sharaǵa 22 myń adam qatysty, dep habarlaıdy QaAqparat tilshisi.
Qaraǵandylyqtar «Mekenim – jasyl ormanym» aǵash otyrǵyzý aktsııasyn bastady.
Memlekettik orman qory aýmaǵynda 146,58 myń eki jyldyq japyraqty aǵash kóshetteri jáne qalalar men aýdandardyń eldi mekenderinde 9,5 myń aǵash otyrǵyzyldy.
Aktsııaǵa 6 184 adam qatysty.
Búgin mektep janyndaǵy ýchaskege aǵash otyrǵyzý boıynsha «Bul – meniń aǵashym» chellendji iske qosyldy.
504 mektep pen 39 kolledj aýmaǵynda 11 myń oqýshy 5,4 myń kóshet otyrǵyzdy.
Sondaı-aq, «Taza tabıǵat» jobasy boıynsha birneshe aktsııa ótti.
«Birge taza Qazaqstan» aktsııasyna oblystyń 22 myń turǵyny qatysty.
Bekitilgen 111 jáne bekitilmegen bes sý aıdynynyń jaǵalaý jolaqtary turmystyq qoqystan tazartyldy. «Taza sý aıdyndary» baıqaýyna 6,3 myń adam qatysty.
«Sý kózin ashý, bulaqtardy tazartý» aıasynda 94 bulaq tazartyldy. Oǵan 1,2 myń adam atsalysty.
Oblystyń memlekettik ulttyq saıabaqtarynyń aýmaǵyna aǵash otyrǵyzyldy, balalar sýret baıqaýlary, aýmaqty abattandyrý sharalary ótkizildi.
«Saıabaqtar sherýine» 320 adam qatysty.
Atalǵan aktsııalar oblystyń barlyq qalalary men aýdandarynda ótti jáne olar bir aıǵa sozylady.
