Ekologııalyq talapty eskermegen Pavlodar elektrolız zaýytyna aıyppul salyndy
PAVLODAR. KAZINFORM - Kásiporyn osy ýaqytqa deıin shyǵaryndylardy monıtorıngteý júıesiniń ulttyq derekter bazasyna qosylmaı kelgen. Sondaı-aq shań shyǵaryndylarynyń normatıvterinen asyp ketý derekteri tirkelgen.
Pavlodar oblysy boıynsha ekologııa departamenti «Qazaqstan elektrolız zaýyty» AQ-qa qatysty josparly tekserý júrgizgen.
- Tekserý barysynda óndiris ornynda birqatar zań buzýshylyq tirkeldi. Eń áýeli zaýyt shyǵaryndylardy monıtorıngteý júıesiniń ulttyq derekter bazasyna qosylmaǵany anyqtaldy. Zaýytta aspıratsııalyq júıelerdi jańǵyrtý jónindegi is-sharalar oryndalmaǵan, shań shyǵaryndylarynyń normatıvteri boıynsha asyp ketý derekteri belgili boldy, - dep habarlady departamentten.
Buǵan qosa kásiporynda 2024–2025 jyldar boıynsha óndiristik ekologııalyq baqylaý esepterinde shyndyqqa janaspaıtyn derekterdiń beti ashylǵan.
Tekserý qorytyndysy boıynsha kásiporynǵa anyqtalǵan buzýshylyqtardy joıý týraly nusqama berilip, 7,3 mln teńge somaǵa aıyppul salyndy.
Eske sala keteıik, aýany shekten tys lastaǵan ekibastuzdyq JEO qomaqty aıyppul arqalady.
