Ekologııalyq bilim berýdiń biryńǵaı standarty ázirlendi
ASTANA. KAZINFORM — Ekologııalyq bilim berýdiń biryńǵaı standarty ázirlendi. Bul týraly Quryltaı depýtattarynyń saýalyna Premer-mınıstr Oljas Bektenovtiń jaýabynda aıtylǵan.
— «Taza Qazaqstan» qaǵıdattary kolledjder men joǵary jáne joǵary oqý ornynan keıingi bilim berý uıymdarynda bilim berý baǵdarlamalary, ekologııalyq jobalar men volonterlik qyzmet arqyly júıeli túrde iske asyrylady. Sondaı-aq Oqý-aǵartý mınıstrligi Ǵylym jáne joǵary bilim mınıstrligimen birlesip, mektepke deıingi tárbıeden bastap joǵary bilimge deıingi barlyq bilim berý deńgeılerinde ekologııalyq bilim berýdiń biryńǵaı tásilderin, sabaqtastyǵyn jáne onyń nátıjelerin ólsheý tetikterin qarastyratyn Ekologııalyq bilim berýdiń biryńǵaı standartynyń jobasyn ázirledi, — dedi Úkimet basshysy.
Premer-mınıstrdiń atap ótýinshe, «Taza Qazaqstan» bastamalary, onyń ishinde ekologııalyq bilim berý jáne bilim alýshylardyń joǵary ekologııalyq mádenıetin qalyptastyrý máseleleri bilim berý uıymdarynyń oqý-tárbıe protsesine engizilgen.
— Oqý-aǵartý, Ǵylym jáne joǵary bilim mınıstrlikterine, oblystardyń jáne respýblıkalyq mańyzy bar qalalardyń ákimdikterine kórsetilgen baǵyttar boıynsha júıeli jumysty qamtamasyz etý tapsyryldy, — dedi Oljas Bektenov.
Aıta keteıik, buǵan deıin Quryltaı depýtaty Meıirhat Qasymbaev Úkimetke «Taza Qazaqstan» qaǵıdattaryna negizdelgen tárbıe úlgisin balabaqshadan bastap engizýdi usynǵan edi.
