Ekologııalyq aǵartý men tabıǵatty qorǵaý qaǵıdattary jańa Konstıtýtsııa jobasynda naqty bekitilgen – mınıstr

ASTANA. KAZINFORM – «Taza Qazaqstan» jalpyulttyq bastamasy aıasynda Oqý-aǵartý mınıstrligi ekologııalyq taqyrypty bilim berý úderisine tereńdete ıntegratsııalaýǵa baǵyttalǵan ekologııalyq bilim berý standartyn ázirleý boıynsha jumys júrgizýde. Bul týraly Oqý-aǵartý mınıstri Juldyz Súleımenova málimdedi.

— Oqý-aǵartý mınıstrligi «Taza Qazaqstan» jalpyulttyq jobasy aıasynda keshendi ári júıeli jumysty júzege asyrýda. Atalǵan baǵyttardyń biri — ekologııalyq bilim týraly standart ázirleý. Onyń negizgi maqsaty — bilim mazmunynda ekologııa taqyrybyn júıeli ári tereń engizý. Barshańyzǵa belgili Konstıtýtsııalyq reformalar aıasynda jańa Konstıtýtsııa jobasynda tabıǵatty qorǵaý normalary aıqyn bekitilgen. Bul azamattar men memleket arasyndaǵy ekologııalyq jaýapkershilikti kúsheıtetin negizgi quqyqtyq negiz bolyp sanalady, — dedi ol.

Onyń aıtýynsha, qazirgi ýaqytta «Adal azamat» birtutas tárbıe baǵdarlamasy úsh ıdeıanyń negizinde júzege asyrylýda.

Olardyń birinshisi eńbek adamy, ekinshisi «Zań men tártip» ıdeıasy, úshinshisi «Taza Qazaqstan» jalpy ulttyq jobasynyń aıasynda.

Bundaǵy negizgi maqsat — oqýshylar men jasóspirimderdiń boıynda ekologııalyq sanany qalyptastyrý.

Sonymen qatar tabıǵatqa jaýapkershilikpen qaraýdy jalpy ómirlik qundylyq retinde bekitýdi, ornyqtyrýdy kózdeıdi.

Aıta keteıik, búgin Májilis Jańa Konstıtýtsııa jobasyn talqylaıtynyn jazǵan edik.