«Ekologııa jáne turaqty damý» oqýlyǵyn jazýǵa elimizdiń 3 myńnan astam oqýshysy qatysty (FOTO)
ASTANA. QazAqparat - 12 jyldyq mektepterge arnalǵan «Ekologııa jáne turaqty damý» oqýlyǵyn jazýǵa elimizdiń 3 myńnan astam oqýshysy qatysty. Bul týraly búgin Ortalyq kommýnıkatsııalar qyzmetinde Álııa Nazarbaevanyń «Jandaný» ekologııalyq jobasy aıasynda QR Bilim jáne ǵylym mınıstrligi shyǵarǵan oqýlyqtyń tusaýkeser rásiminde málim boldy. Oqýlyq 12 jyldyq synaq mektepteriniń 12-synyp oqýshylaryna arnalǵan.
«Jandaný» jobasy osydan eki jyl buryn qolǵa alynǵan bolatyn. Onyń basty maqsaty - oqýshylarlyń qundylyqtar júıesi arqyly olarlyń boıynda ekologııalyq mádenıetti qalyptastyrý. Jobanyń basynan bastap biz aldymyzǵa jahandyq mańyzdaǵy maqsattar men tapsyrmalar qoıdyq. Osyndaı tapsyrmalardyń biri «Ekologııa jáne turaqty damý» oqýlyǵyn jazyp shyǵý boldy. Mine, búgin sol kitapty maqtanyshpen kórsete alamyz», - dedi «Jandaný» jobasynyń bilim berý baǵdarlamalary departamentiniń jetekshisi Murat Isahanov.
Onyń aıtýynsha, oqýlyqty jazyp shyǵýǵa elimizdiń barlyq óńirleriniń oqýshylary qatystyrylǵan.
«Oqýlyqtyń ereksheligi - onyń negizgi avtorlary tórteý, al atsalysqan avtorlardyń tizimi Qazaqstannyń túkpir-túkpirinde turatyn 3 myńnan astam oqýshylardan quralǵan. Óıtkeni oqýlyq eki jyl boıy elimizdiń barlyq oblys ortalyqtarynda synaqtan ótkizildi. Meniń oıymsha, fılmimizdiń sıýjetin kórgen árbir oqýshy ózindik pikirin qosyp, endi oqýlyqtan solardy da oqı alady», - dedi ol.
