Ekologııa jáne tabıǵı resýrstar mınıstrliginiń quzyreti keńeıdi

ASTANA. KAZINFORM – QR Úkimetiniń 2025 jylǵy 20 aqpandaǵy qaýlysymen Ekologııa jáne tabıǵı resýrstar mınıstrligi týraly erejege ózgerister engizildi.

Atap aıtqanda, mınıstrlikke kelesi jańa múmkindikter berildi:

- kásibı biliktilik boıynsha salalyq keńester qurylady;

- kásiptik biliktilik jónindegi salalyq keńester týraly erejeni ázirleıdi jáne bekitedi;

- salalyq biliktilik sheńberin ázirleıdi jáne ózektendiredi;

- kásibı standarttardy ázirleıdi jáne ózektendiredi;

- kásiptik biliktilikter jónindegi salalyq keńespen jáne kásiptik biliktilikterdi taný salasyndaǵy ýákiletti organmen kelisim boıynsha kásiptik standarttardy bekitedi;

- kásiptik biliktilikti taný salasyndaǵy ýákiletti organǵa kásiptik biliktilikti taný sharttary boıynsha usynystar engizedi;

- kásiptik standarttardy ázirleý jáne ózektendirý jóninde usynystar ázirleıdi jáne olardy kásiptik biliktilikti taný salasyndaǵy ýákiletti organǵa jiberedi;

- oblystardyń, respýblıkalyq mańyzy bar qalalardyń jáne elordanyń jergilikti atqarýshy organdarymen kelisim boıynsha kásiptik biliktilikti tanýǵa eńbek naryǵynyń qajettiligin qalyptastyrady;

- kásipter tizilimine ózgerister men tolyqtyrýlar engizý boıynsha kásiptik biliktilikti taný salasyndaǵy ýákiletti organǵa usynystar engizedi.

Qaýly 2025 jylǵy 20 aqpannan bastap qoldanysqa engizildi.

Keshe Prezıdent Jarlyǵymen Qorǵanys mınıstrliginiń ókilettigi ózgergeni týraly habarlaǵan edik.