Ekologııa jáne tabıǵı resýrstar mınıstrliginiń apparat basshysy taǵaıyndaldy
ASTANA. KAZINFORM – QR Ekologııa jáne tabıǵı resýrstar mınıstriniń buıryǵymen Ǵanıjan Asanuly vedomstvo apparatynyń basshysy laýazymyna taǵaıyndaldy.
Ǵanıjan Asanuly 1986 jyly Túrkistan oblysynda dúnıege kelgen. Qarjy polıtsııasy akademııasyn, Ulybrıtanııadaǵy King’s College London ýnıversıtetin jáne Qaztutynýodaǵy Qaraǵandy ekonomıkalyq ýnıversıtetin bitirgen.
Prezıdenttik jastar kadr rezerviniń múshesi.
Eńbek jolyn 2008-2009 jyldary qarjy polıtsııasy organdarynda bastaǵan.
2012-2014 jyldary QR Memlekettik qyzmet isteri agenttiginde sarapshy, bas sarapshy bolyp jumys istegen.
2014-2017 jyldary QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Memlekettik qyzmet jáne sybaılas jemqorlyqtyń aldyn alý departamentinde bas konsýltant, keıin Memlekettik qyzmet ótkerý basqarmasynyń basshysy qyzmetterin atqarǵan.
2017-2018 jyldary atalǵan agenttiktiń Ońtústik Qazaqstan oblysy boıynsha departamentinde Ádep jónindegi keńes basshysynyń orynbasary – hatshylyq meńgerýshisi bolǵan.
2018-2019 jyldary agenttiktiń Túrkistan oblysy boıynsha departamentinde osy qyzmetti atqarǵan.
2019-2020 jyldary QR Sybaılas jemqorlyqqa qarsy is-qımyl agenttiginiń Túrkistan oblysy boıynsha departamenti basshysynyń birinshi orynbasary qyzmetin atqarǵan.
2020-2021 jyldary QR Sybaılas jemqorlyqqa qarsy is-qımyl agenttigi dırektorynyń orynbasary, Parasattylyq departamentiniń dırektory bolǵan.
2021-2022 jyldary agenttiktiń Preventsııa qyzmeti basshysynyń orynbasary qyzmetin atqarǵan.
2022-2023 jyldary QR Prezıdenti Ákimshiliginiń Memlekettik qyzmet jáne kadr saıasaty bóliminiń sektor meńgerýshisi bolǵan.
2023 jyldan bastap osy taǵaıyndaýǵa deıin QR Prezıdenti Ákimshiliginiń Memlekettik qyzmet bóliminiń sektor meńgerýshisi qyzmetin atqaryp keldi.
Aıta keteıik, buǵan deıin Álibek Qýantyrov Qazaqstan Respýblıkasynyń Ekologııa jáne tabıǵı resýrstar mınıstri bolyp taǵaıyndalǵan edi.