Ekologııa jáne tsıfrlyq damý mınıstrlikteri birigip tsıfrlyq jobalardy iske asyrmaq
Mundaı ýaǵdalastyqqa QR Ekologııa, geologııa jáne tabıǵı resýrstar mınıstri Maǵzum Myrzaǵalıev pen QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsınniń kezdesýi barysynda qol jetkizildi.
Ekologııa mınıstrligi birqatar tsıfrlyq jobalardy tanystyrdy. Olardyń ishinde, jer sharynyń kez kelgen núktesinen onlaın rejımde birneshe qarapaıym qadamdardyń kómegimen ken oryndary boıynsha geologııalyq derekterge qoljetimdilikti qamtamasyz etýge arnalǵan mıneraldyq resýrstardyń ulttyq derekter banki bar.
Bul júıeniń basty qaǵıdaty «paper free» tujyrymdamasyn paıdalaný, ıaǵnı qujattardy qaǵaz túrinde usyný qajettiliginiń bolmaýy, ınvestorlardy qyzyqtyratyn jáne tolyq aqparatqa barynsha tikeleı qol jetkizýin qamtamasyz etý bolyp tabylady.