Ekologııa zańyn buzǵan munaı kompanııasynan memleketke 526,3 mln teńge óndirildi - BQO
ORAL. QazAqparat - BQO mamandandyrylǵan aýdanaralyq ekonomıkalyq soty oblystyq ekologııa departamentiniń talap-aryzy boıynsha «Qarashyǵanaq Petrolıým Opereıtıng b.v.» kompanııasynan 526,3 mln astam teńge zalaldy óndirý týraly isti qarap, sheshim shyǵardy.
BQO sotynyń baspasóz qyzmetinen túsken málimetke qaraǵanda, atalmysh departament ótken jyly 1 qańtardan 31 shildege deıin jospardan tys tekserý júrgizgen kezde «QPO b.v.» kompanııasynyń gaz jaǵý kezinde aýaǵa las qaldyqtardy shyǵarǵanyn anyqtaǵan. Onyń kólemi 43,8 tonna. Osyǵan baılanysty kompanııa normadan tys jáne ózdiginen jasaǵan emıssııa úshin 10 ese kólemdegi tólemaqyny óz erkimen tólegen. Alaıda bul qorshaǵan ortaǵa keltirilgen zalaldy óteý jaýapkershiliginen bosatpaıdy. Osyny eskergen sot departament talap-aryzyn qanaǵattandyrdy.
Sot sheshimi kúshine enip, atalǵan kompanııadan memleket paıdasyna 526 352 686 teńge tolyq óndirildi.
