Ekologııa taqyrybynda balalarǵa arnalǵan qazaq tilindegi oqýlyq kerek - professor

NUR-SULTAN. QazAqparat - Elimizde mektep jasyna deıingi balalar men bastaýysh synyp oqýshylaryna arnalǵan ekologııa taqyrybyna qatysty qazaq tilinde oqýlyq shyǵarylýy kerek.

Bul týraly ekologııalyq bilimge qatysty Facebook-tegi KUN.KZ ashyq medıa platformasynda ótken onlaın konferentsııada aıtyldy, dep habarlaıdy QazAqparat tilshisi.

«Eń aldymen «Ekologııa pánin engizgen durys pa álde barlyq pándi ekologııalandyrý kerek pe?» degen suraqqa jaýap berýimiz kerek. Reseı ekologııa týraly bir ǵana oqýlyq shyǵarý týraly sheshimdi áli qabyldaǵan joq, sebebi ol óte qıyn sharýa. Mysaly, bul pándi joǵary synyp oqýshylaryna ótkizbek bolǵan, biraq bul kezde oqýshylar kolledjge kete bastaıdy. Sondyqtan barlyq pándi ekologııalandyrý tıimdi sııaqty. Ekinshiden, ekomektep, ekobalabaqsha, ekojoǵary oqý oryndaryn ashatyn bolsaq, oǵan qoıylatyn talap qandaı bolatynyn jyl sońyna deıin anyqtaýymyz kerek», - deıdi ekonomıka ǵylymdarynyń kandıdaty, professor Jaqsybek Qulekeev.

Onyń aıtýynsha, Qazaqstan balalarǵa, sonyń ishinde mektep jasyna deıingi balalarǵa arnalǵan oqýlyq, tanymdyq kitap shyǵarýǵa nazar aýdarǵysy kelmeıdi.

«Tipti ondaı oqýlyq shyǵarǵan kúnniń ózinde ol joǵary synyp oqýshylaryna arnalǵan bolady. Sondyqtan mektep jasyna deıingi balalar men bastaýysh synyp oqýshylaryna arnalǵan ekologııa taqyrybyna qatysty qazaq tilinde oqýlyq bolýy kerek. Sondaı-aq, osy taqyrypta mýltfılmder túsirilýi kerek. Eger ony jazý ne túsirýge áleýetimiz jetpese, tanymdyq kitap, mýltfılmder toptamasyn jınap, ony memlekettik tilge aýdarý kerek», - deıdi ol.

Ol qazirgi ýaqytta qosymsha bilim berý, balany damytý ortalyqtary kóp bolǵanmen, atyna zaty saı emes ekenin aıtty.

«Mundaı jerdiń tabaldyryǵynan bastap tanymdyq máni bolýy kerek. Odan bólek, ekologııaǵa balalardyń, eresekterdiń kózqarasy qandaı ekenin bilý úshin ǵylymı, áleýmettik zertteý jumystaryn júrgizý kerek. Nur-Sultan, Almaty, Shymkentke ekomektep, ekosaıabaq salyp kórý kerek. Tipti ekosaıabaq salýǵa bolady. Al Nur-Sultanda tipti zoosaıabaq joq. Osy atalǵandar salynsa ózge óńirlerge de úlgi, ıdeıa bolýshy edi», - deıdi professor Jaqsybek Qulekeev.

Eske sala ketsek, Prezıdent Qasym-Jomart Toqaev 10 shilde kúni Úkimettiń keńeıtilgen otyrysynda mektep baǵdarlamasyna «Balalardyń ekologııalyq bilimi» atty jańa pán engizýdi tapsyrǵan bolatyn.

https://kaz.inform.kz/news/prezident-tapsyrmasymen-mektepterde-zhana-pan-engizilui-mumkin_a3671289