EKOLOGIıA: Reseı men Iran Kaspıı teńiziniń bıoalýandylyǵyn saqtaý týraly hattamaǵa qol qoıdy

ASTANA. QazAqparat - Reseıdiń Tabıǵatty qorǵaý mınıstrliginiń basshysy Sergeı Donskoı Iranda Kaspıı teńiziniń ekologııasyn qorǵaý jónindegi Tegeran konventsııasy negizinde teńiz bıoalýandylyǵyn saqtaý týraly hattamaǵa qol qoıdy, dep habarlady RIA Novostı.

«RF qol qoıǵan Tegeran konventsııasynyń úshinshi taqyryptyq hattamasy retinde Kaspııdiń ekologııasyn saqtaý jáne bıoalýandylyǵyn qorǵaý úshin ekologııalyq mindetterdi sheshý men óńirlik ekologııalyq qaýipsizdikti qamtamasyz etý mańyzdy bolyp otyr», - dep málimdedi RF Tabıǵatty qorǵaý mınıstri S.Donskoı. Tegeran konventsııasy BUU-nyń qorshaǵan ortany qorǵaý baǵdarlamasy aıasynda ázirlengen bolatyn. Oǵan Kaspıı mańy elderi: Ázerbaıjan, Iran, Qazaqstan, Reseı, Túrkmenstan úkimeti 2003 jylǵy 4 qarashada qol qoıǵan. Konventsııany ratıfıkatsııalaýǵa úsh jyl ketti. Ol 2006 jylǵy 12 tamyzda ǵana óz kúshine engen bolatyn.