EKOLOGIıA: Reseı men Iran azaıyp bara jatqan amýr jolbarysy men azııalyq ilbisti birge qorǵamaq
ASTANA. QazAqparat - Reseı Iranǵa amýr jolbarysyn berip, ornyna azııalyq ilbis aıyrbastap aldy. Osylaısha, eki memleket, joǵalýǵa az qalǵan ańdardy ózara birlese otyryp saqtap, olardyń kóbeıýine múmkindik jasamaq, dep jazady RIA Novostı.
Mundaı ýaǵdalastyqqa RF Tabıǵatty qorǵaý mınıstri Sergeı Donskoıdyń Iranǵa apta sońynda jasaǵan sapary barysynda Iran vıtse-prezıdenti, qorshaǵan ortany qorǵaý uıymynyń basshysy Masýme Ebtekarmen kezdesýde qol jetti, dep habarlady atalǵan mınıstrliktiń baspasóz qyzmetinen. Reseıde tirshilik etetin amýr jolbarysy kaspıı óńirinde HH ǵasyrdyń ortasynda joıylyp ketken týran jolbarysyna genetıkalyq jaǵynan jaqyn. Iran vıtse-prezıdenti Mohammad Djavad Mohammadızade 2010 jyly Peeterbýrgta ótken ekologııalyq sammıtte týran jolbarysyn ósirýdi qolǵa alýǵa Kaspıı mańy elderinen kómek suraǵan. Ol kezde Reseı úkimetiniń basshysy bolǵan V.Pýtın Qazaqstan men Iranǵa turan jolbarysyn berip, ózge azaıyp bara jatqan ańdarmen almastyrýǵa daıyn ekenin habarlaǵan.
