Ekologııa mınıstrliginiń jedel jelisine qoqystar boıynsha 515 shaǵym túsken
NUR-SULTAN. QazAqparat - Ekologııa mınıstrliginiń jedel jelisine stıhııalyq qoqystar boıynsha 515 shaǵym túsken, dep habarlaıdy QazAqparat tilshisi.
Baspasóz qyzmetiniń málimetine qaraǵanda, 384 shaǵym stıhııalyq qoqystarǵa, 131-i - tolyp ketken konteınerlerge qatysty boldy. 5 fakti rastalmady.
Stıhııalyq qoqystar týraly habarlardyń kópshiligi Almaty (73), Shyǵys Qazaqstan (46) jáne Qaraǵandy oblystarynan (41), sondaı-aq Almaty qalasynan (44) kelip tústi. Aqmola (30) oblysy azamattardan túsken ótinishter sany boıynsha «bestikke» kirdi.
Búgingi tańda polıgondardyń jartysynan kóbi (282) joıyldy. Bul baǵyttaǵy jumystar jalǵasýda. Shaǵym túskennen keıin aqparat dereý jergilikti ekologııa departamentterine, QR ІІM qyzmeti men ákimdikterge jiberiledi. Mamandar jedel tekserý ornyna baryp, shara qoldanady, kináliler jazalanyp, sonyń ishinde aıyppul óndirilip alynady.
Eske salsaq, Ekologııa mınıstrliginiń jedel jeli nómiri: +7 (775) 952-49-00. Vatsaptaǵy osy nómir arqyly kez kelgen qazaqstandyq óz qalasyndaǵy nemese aýylyndaǵy stıhııalyq koqys týraly aqparatty, onyń ishinde rastalǵan fotosýretter men beınetúsirilimdi jibere alady.
Ekologııa mınıstrligi eldiń barlyq turǵyndaryna bul máselege beı-jaı qaramaı, jedel jelige shuǵyl túrde stıhııalyq úıindiler faktisi týraly habarlaýǵa, zańbuzýshylarǵa sol jerde eskertý jasaýǵa, polıtsııa shaqyrýǵa úndeıdi.
Osy baǵyttaǵy jumystardy birigip atqarǵan kezde ǵana, kóp nárseni retke keltire alamyz, dep atap ótedi QR EGTRM baspasóz qyzmeti.
Sonymen qatar, demalys kúnderi Ekologııa mınıstrligi Orman sharýashylyǵy komıtetiniń ınspektorlarymen, sondaı-aq QR ІІM qyzmetkerleri men qoǵam qaıratkerlerimen birge ulttyq saıabaqtar men demalys aımaqtarynda qoǵamdyq reıdter ótkizedi. Zańbuzýshylyq oryn alǵan jaǵdaıda, tıisti shara qoldanylyp, onyń ishinde aıyppul salynady.
