Ekologııa mınıstrligine Qaraǵandy óńirindegi ekologııa máselesin qadaǵalaý júkteldi

QARAǴANDY. QazAqparat – Qaraǵandy oblysynyń ındýstrıaldy damýy azamattardyń ómir súrý sapasyna zııan keltirmeýi kerek. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat Aqordaǵa silteme jasap.

«Oblystyń, ásirese iri ónerkásiptik kásiporyndar ornalasqan qalalardyń turǵyndary ekologııa máselesin únemi kóterip otyrady. Ónerkásiptik alyptardyń qyzmeti qorshaǵan ortany lastaıtyn belgili bir shyǵaryndylarmen baılanysty ekeni túsinikti. Degenmen, qabyldanǵan mindettemeler, standarttar men normalar bar, olar qatań saqtalýy kerek. Aımaqtyń ındýstrıaldy damýy azamattardyń múddelerine jáne adamdardyń ómir súrý sapasyna zııan keltirmeýi kerek.

Ekologııa mınıstrligi bul máseleni qadaǵalaýy qajet», - dedi Qasym-Jomart Toqaev Qaraǵandy oblysy jurtshylyǵymen kezdesýi barysynda.

Foto:t.me/bort_01