Ekologııa mınıstrligi vegetatsııa kezeńinde sý soratyn 67 qondyrǵy satyp almaqshy

NUR-SULTAN. QazAqparat – QR Ekologııa, geologııa jáne tabıǵı resýrstar mınıstrligi vegetatsııalyq naýqan kezinde sý soratyn 67 qondyrǵy satyp almaqshy, dep habarlaıdy QazAqparat tilshisi.

Bul jaıynda vedomstvo basshysy Serikqalı Brekeshev Úkimet otyrysynda aıtty.

Aıtýynsha, vegetatsııalyq kezeńge daıyndyq barysynda el aýmaǵynda úsh keshendi shara qolǵa alynǵan.

Olar:

- Transshekaralyq ózender basseınindegi 259 gıdrotehnıkalyq qurylysty qalpyna keltirý;

- 535 shaqyrym magıstraldy jáne sharýashylyqaralyq kanaldardy mehanıkalyq tazartý;

- 67 sý sorǵy qondyrǵysyn satyp alý jáne ornatý.

«Joǵaryda atalǵan jumystar maýsym aıynyń sońyna deıin tolyǵymen aıaqtalady», - dedi mınıstr.

Serikqalı Breshekevtiń aıtýynsha, bıyl Shardaraǵa 5 mlrd tekshe metr sý jınaýǵa múmkindik bar.