Ekologııa mınıstrligi Temirtaýdaǵy qara qardy anyqtaýdy tapsyrdy
NUR-SULTAN. QazAqparat – Temirtaýdyń ónerkásiptik kásiporyndaryndaǵy ekologııalyq júktemelerdi tómendetý boıynsha sharalardyń oryndalyp jatqany tekseriledi. Bul týraly QR Ekologııa, geologııa jáne tabıǵı resýrstar mınıstri Maǵzum Myrzaǵalıev Temirtaý turǵyndarynyń habarlamasyna jaýap berý kezinde málim etti, dep habarlaıdy QazAqparat.
«Temirtaý turǵyndary «qara qar» týraly taǵy da habarlady. Ekologııa departamenti qaladaǵy tabıǵatty paıdalaný derekteri men qolaısyz meteorologııalyq jaǵdaı kezinde ónerkásiptik kásiporyndardyń qorshaǵan ortaǵa júktemeni tómendetý sharalarynyń oryndalyp jatqanyn tekseredi. Onyń nátıjesi jurtshylyqqa habarlanady», - dep jazdy mınıstr Twitter-de.
Temirtaý turǵyndary qardyń sýreti men vıdeosyn áleýmettik jelilerde jarııalady.
Eske salaıyq, Temirtaýda qara qar alǵash ret jaýyp turǵan joq. Mundaı jaǵdaı qalada 2018 jyldyń qańtarynda qaıtalanǵan edi. Ekologtar, meteorologtar, prokýrorlar men kásiporyn ókilderiniń qatysýymen jumys toby qurylyp, «ArselorMıtall Temirtaý» AQ metallýrgııalyq kombınatynda tekserý júrgizildi. Ol kezde atalǵan kompanııa qara qar týraly aıtyp, problemany moıyndaǵan edi. Kompanııanyń pikirinshe, ekinshi jaǵynan qaladaǵy ekologııaǵa peshtiń jaǵylýy jáne avtomobılderdiń kóbeıýi yqpal etken. Avtor: Vlada Gýk
