Ekologııa mınıstrligi Nur-Sultandaǵy kóne terekterdi óz qamqorlyǵyna alady
NUR-SULTAN. QazAqparat - Qazaqstan Ekologııa, geologııa jáne tabıǵı resýrstar mınıstri Maǵzum Myrzaǵalıev bılikti Nur-Sultan qalasynyń ortalyq parkindegi kóne terekke aıryqsha mártebe berýge jáne ony saqtaýǵa shaqyrǵan astana turǵyndaryn qoldap otyr, dep habarlaıdy QazAqparat.
«Qazaqstandyqtardyń astana turǵyndaryna belgili 120 jyldyq erekshe terek aǵashyn saqtaý qajettigi týraly bastamasyn qoldaımyn. Ol úshin barlyq kúshimizdi salǵan jón», - dep jazdy M.Myrzaǵalıev Twitter-degi óz paraqshasynda.
«Mınıstrlik óz tarapynan aǵashty saqtaý jónindegi jaýapkershilikti alady. Aqparat jazylǵan taqtaısha ornatylady», - dep habarlady ol.
Mınıstr, sonymen qatar, Nur-Sultan qalasynyń belsendilerine qorshaǵan ortaǵa qamqorlyq bildirgeni úshin alǵys aıtyp, qalalyqtardy «osy tabıǵı biregeı baılyqty aıalaýǵa shaqyrdy».
