Ekologııa mınıstrligi men GIZ Aral óńirin damytý máselelerin talqylady

NUR-SULTAN. QazAqparat - QR Ekologııa, geologııa jáne tabıǵı resýrstar vıtse-mınıstri Álııa Shalabekova «Aral óńiriniń ekologııalyq baǵdarlanǵan óńirlik damýy» halyqaralyq yntymaqtastyq jónindegi German qoǵamynyń (GIZ) óńirlik jobasynyń jetekshisi Paýl Shýmahermen kezdesti.

Paýl Shýmaher vıtse-mınıstrdi Aral óńirindegi ekologııalyq jaǵdaıdy jaqsartý boıynsha birqatar is-sharalar iske asyrylyp jatqan atalǵan óńirlik jobanyń aǵymdaǵy jyldyń basynda bastalǵany týraly habardar etti.

Óz kezeginde Álııa Shalabekova Mınıstrliktiń GIZ-men túrli jobalar boıynsha jemisti yntymaqtastyǵyn atap ótip, ekologııa jáne qorshaǵan ortany qorǵaý salasynda tehnıkalyq kómek kórsetkeni úshin alǵysyn bildirdi.

Kezdesý barysynda taraptar kógaldandyrý, landshaftqa keshendi monıtorıng júrgizý jáne Aral teńiziniń qurǵaǵan tabanyn kartografııalaý salasyndaǵy yntymaqtastyqtyń basym baǵyttaryn, sondaı-aq klımattyń ózgerýine beıimdelý, balyq sharýashylyǵyn damytý, tabıǵatty qorǵaý is-sharalaryna jergilikti halyqty tartý máselelerin talqylady.

Kezdesý qorytyndysy boıynsha taraptar yntymaqtastyqty odan ári nyǵaıtýǵa jáne GIZ jobasyna Qazaqstanda jan-jaqty qoldaý kórsetýge daıyn ekendikterin bildirdi.

Aıta keteıik, «Aral óńiriniń ekologııalyq baǵdarlanǵan óńirlik damýy» óńirlik jobasy Germanııanyń ekonomıkalyq yntymaqtastyq jáne damý federaldyq mınıstrliginiń tapsyrmasy boıynsha júzege asyrylady jáne ony halyqaralyq yntymaqtastyq jónindegi Germanııa qoǵamy (GIZ) iske asyrady.

Joba Aral óńiriniń ekologııalyq ornyqty transshekaralyq ekonomıkalyq damýyn qamtamasyz etýde Qazaqstan men Ózbekstan úkimetterine qoldaý kórsetedi.