Ekologııa mınıstrligi Kóbeıtuzdyń lastanýyna alańdaýshylyq bildirip otyr

NUR-SULTAN. QazAqparat - Ekologııa, geologııa jáne tabıǵı resýrstar mınıstrligi Kóbeıtuzdyń lastanyp, ol jaqtan tuzdyń tıelip áketilýine baılanysty alańdaýshylyq bildirip otyr, dep habarlaıdy QazAqparat tilshisi.

«Jańa ǵana biz Kóbeıtuz kóline keldik. QR EGTRM Ekologııa, geologııa jáne tabıǵı resýrstar komıtetiniń tóraǵasy Zulfyhar Joldasov bastaǵan mınıstrliktiń mamandarynan quralǵan top qajetti jumystardy atqaryp jatyr. Tıisti sharalar qabyldanýda. Sonymen birge ekologtar sýdyń sapasy tekserý úshin synamasyn aldy», - dep jazdy áleýmettik jelide mınıstrliktiń baspasóz hatshysy Samal Ibraeva.

Onyń aıtýynsha, jumystyń aldyn ala qorytyndysy keshke jarııalanady.

«Bul kóldi keıingi kezde týrısterdiń lastaýyna jáne tuzdy tıep áketýine baılanysty Ekologııa, geologııa jáne tabıǵı resýrstar mınıstrligi alańdaýshylyq bildirip otyr», - dep habarlaıdy Samal Ibraeva.

Eske sala ketsek, keshe elordadan 170 shaqyrym jerde ornalasqan Kóbeıtuz kóline karantın bitkenshe barýǵa tyıym salynǵany habarlanǵan bolatyn.

Ereımentaý aýdanynyń ákimi men mobıldi baqylaý toby demalys kúnderi adamdar kóp shoǵyrlanǵan «Kóbeıtuz», «Teńiz» kóline reıd uıymdastyryp, ákim Abaı Áljanov ol jaqta reıd júrgizgen bolatyn.