Ekologııa mınıstrligi Qapshaǵaıdaǵy shabaqtardyń qyrylýyna qatysty túsinik berdi

QONAEV. QazAqparat - 2 qarashada áleýmettik jelilerge júrgizilgen monıtorıng barysynda Qapshaǵaı sý qoımasynda balyqtardyń qyrylýy týraly beınematerıaldar anyqtaldy. Bul týraly Ekologııa, geologııa jáne tabıǵı resýrstar mınıstrligi málimdedi, dep habarlaıdy QazAqparat.

Balyqtardyń qyrylýyna ákep soqtyrǵan mán-jaılardy anyqtaý maqsatynda Balqash-Alakól oblysaralyq basseındik balyq sharýashylyǵy ınspektsııasy ózara is-qımyl shemasyna sáıkes janýarlardyń qaýpin jáne qyrylýyn anyqtaǵan kezde, ýákiletti organdarǵa dereý habarlandy.

«Atap aıtqanda, oqıǵa ornyna ınspektsııa qyzmetkerlerimen birge, Almaty oblysy ákiminiń orynbasary R.Raqymbekov, sondaı-aq ákimdikke qarasty tabıǵı resýrstar jáne tabıǵatty paıdalanýdy retteý basqarmasynyń qyzmetkerleri, mamandandyrylǵan tabıǵatty qorǵaý prokýratýrasynyń ókilderi keldi. Basqa da jaýapty mekemelerdiń mamandary jumystyń basy-qasynda boldy. N átıjesinde «Aına Sý» JShS-ne bekitilgen Lev taýy aımaǵyndaǵy Qapshaǵaı sý qoımasy balyq sharýashylyǵy ýchaskesiniń №11 jaǵalaý syzyǵynda jas balyqtardyń qyrylǵany belgili boldy. Olardyń jalpy salmaǵy shamamen 350-400 kg bolady», - delingen vedomstvo habarlamasynda..

Oqıǵanyń sebebin anyqtaý úshin Qonaev qalasy boıynsha sanıtarlyq-epıdemıologııalyq baqylaý departamenti, Almaty oblysy boıynsha ekologııa departamenti, «Balyq sharýashylyǵy ǵylymı-óndiristik ortalyǵy» JShS jáne «Qazgıdromet» RMK mamandary sý synamalaryn, sondaı-aq jas balyqtardyń úlgilerin aldy.

«Qazirgi ýaqytta «Aına Sý» JShS ań aýlaý qyzmeti óli balyq shabaqtaryn odan ári kádege jaratý úshin jınap jatyr. Sý jáne jas balyqtardy zertteý nátıjeleri boıynsha qosymsha málimetter usynylatyn bolady», - dep jazdy mınıstrlikten.

Qonaev qalasynyń ІІB-da balyqtardyń qyrylý faktisi tirkeldi.

Ashy q k ó zderden alyn ǵ an foto