Ekologııa mınıstrligi dızeldi qoǵamdyq kólikterdi satyp alýǵa tyıym salmaq

ALMATY. QazAqparat – QR Ekologııa, geologııa jáne tabıǵı resýrstar mınıstrligi dızeldi otynmen júretin qoǵamdyq kólikterdi satyp alýǵa tyıym salýdy usyndy, dep habarlaıdy QazAqparat tilshisi.

«Biz qoǵamdyq kólikterdi belsendi túrde gazǵa aýystyryp jatyrmyz. Sonymen qatar, ekologııalyq taza 130 avtobýs satyp alýdamyz. Desek te, qaladaǵy avtokólikter negizgi aýa lastaýshylardyń biri bolyp qala beredi. Kún saıyn qala kóshelerinde 700 myńǵa jýyq kólik júredi. Bul máseleni sheshý úshin halyqaralyq tájirıbege súıenip, aýqymdy kólik reformasyn júrgizip jatyrmyz. Búgingi kúni Almatyda 400-ge jýyq avtobýs gazben qozaǵalady. Sonymen qatar, 10 elektr avtobýsy bar. Sizderdiń (QR Ekologııa, geologııa jáne tabıǵı resýrstar mınıstrligi – red) qoldaýlaryńyzben elektr avtobýstarynyń sanyn kóbeıtýdi josparlap otyrmyz. Qoǵamdyq kólikter parkin jańarta otyryp, biz zııandy zattar shyǵaryndylaryn azaıtamyz», - dedi Almaty qalasy ákiminiń birinshi orynbasary Erlan Qojaǵapanov shahardyń ekologııalyq ahýalyn talqylaý barysynda.

Óz kezeginde, mınıstrliktiń Ekologııalyq retteý jáne baqylaý komıtetiniń tóraǵasy Zýlfýhar Joldasov 2023 jylǵa deıin gazben júretin avtobýstardyń sanyn 500-den 2 myńǵa jetkizýdi usyndy.

«Dızeldi qozǵaltqyshy bar qoǵamdyq kólikti satyp alýǵa zańdy túrde tyıym salý kerek», - dedi ol.