Ekologııa mınıstrligi aýany lastaǵan Ekibastuz jylý ortalyǵyn tekseredi

EKІBASTUZ. QazAqparat - 29 naýryzda áleýmettik jelilerde Ekibastuzdy qaptaǵan qara tútin týraly vıdeo-sýretter jarııalandy. Osyǵan baılanysty ekologtar atmosferaǵa shań shyǵarý faktisi boıynsha ólsheý júrgizdi, dep habarlaıdy QazAqparat.

Ekibastuz qalasynda Qazgıdromettiń 2 statsıonarlyq baqylaý beketi ornalasqan.

29 naýryzda Máshhúr Júsip kóshesi, 118/1 mekenjaıyndaǵy №1 atmosferany baqylaý beketi shekti ruqsat etilgen kontsentratsııalar asyp ketkenin tirkegen joq.

Jarııalanym dálelderin egjeı-tegjeıli tekserý úshin ekologııa departamentiniń qyzmetkerleri «Ekibastuzjylýenergo»JShS sanıtarlyq qorǵaý aımaǵynyń shekarasynda atmosferalyq aýanyń sapasyna ólshedi.

Onyń nátıjesi kómirtegi oksıdi boıynsha 6,3 mg/m3 (ShRK 5,0), azot oksıdiboıynsha 0,527 mg/m3 (ShRK 0,5), shań boıynsha 0,638 mg/m3 (ShRK 0,5) asyp ketkenin kórsetti.

Qazirgi ýaqytta «Ekibastuzjylýenergo» JShS-ne jospardan tys tekserý júrgizý boıynsha jumys júrgizilip jatyr.

Tekserý nátıjesi qosymsha habarlanady.

Eske sala keteıik, búgin «Ekibastuzjylýenergo» seriktestigine 27,6 mln teńge aıyppul salynǵany habarlanǵan bolatyn.