Qazaqstanda ósetin, sırek kezdesetin qyzǵaldaqtar
ASTANA. KAZINFORM –Kóktem kelgende Qazaqstan dalasy men taý bókterlerinde erekshe kórinis bastalady. Tabıǵat nebári birneshe aptaǵa qulpyryp, alqyzyl, sary, qyzǵylt túske boıalady. Bul — jabaıy qyzǵaldaqtardyń mezgili, dep jazdy búgin QR Ekologııa jáne tabıǵı resýrstar mınıstrliginiń baspasóz qyzmeti.
Baspasóz qyzmetiniń habarlaýynsha, qyzǵaldaqtardyń sulýlyǵy kóz tartqanymen, eń úlken qundylyǵy — tabıǵı ortasynda erkin ósýinde. Sırek kezdesetin qyzǵaldaq túrleriniń birqatary Qazaqstannyń Qyzyl kitabyna engizilip, memleket qorǵaýyna alynǵan.
- Árbir jabaıy qyzǵaldaq — tabıǵı muramyzdyń bir bólshegi. Ony tamyrymen julý nemese gúlin úzý — kelesi kóktemde sol jerde qaıta gúldeý múmkindigin azaıtady. Sondyqtan dalada qyzǵaldaq kórseńiz, eń ádemi estelik — ony julyp alý emes, tabıǵatta qaldyryp, sýretke túsirý. Qyzǵaldaqtyń eń ádemi jeri — gúl shoǵy emes, ózi ósken dala, - delingen habarlamada.
Osyǵan deıin ekologııa mınıstri mınıstri qyzǵaldaq julǵandarǵa qomaqty aıyppul qarastyrylǵanyn eskertken bolatyn.
