Ekologııa mınıstrligi ormandy órtten qorǵaý is-qımylyna kepildik bere ala ma
ASTANA. KAZINFORM – QR Ekologııa jáne tabıǵı resýrstar mınıstri Erlan Nysanbaev ormandy órtten qorǵaý is-sharalaryna qatysty túsinik berdi.
«Materıaldyq-tehnıkalyq turǵyda jabdyqtap jatyrmyz jáne bul turǵyda ońtaıly nátıje bar. Keshendi jospar aıasynda 5 jylǵa 68 mlrd teńge qarastyrylǵan. Byltyr 13,4 mıllıard teńge tústi, 300-den astam túrli tehnıka men qondyrǵylar satyp aldyq. Bıyl 15 mlrd teńgege jýyq qarjy bólindi. Bizde órt sóndirý tehnıkasy da eskirgenin eskere otyryp, jańasyn alamyz. Qazirgi kezde órt sóndirý tehnıkasy parkiniń tozýy 72 paıyz shamasynda. Sondaı-aq Tótenshe jaǵdaılar mınıstrligimen birlesip oqý-jattyǵýlar ótkizip jatyrmyz. TMJ Oqý ortalyǵynda 1332 órt qaýipsizdigi ınspektory oqytyldy. ıAǵnı, mamandar órt oshaǵyna jaqyndamaı-aq áýeden óshire alady. Barlyq tıisti sharalar qabyldanyp jatyr», — dedi E. Nysanbaev tilshiler suraǵyna jaýap bere otyryp.
Sonymen qatar ol vedomstvo 2023 jyly Semeı Ormanynda bolǵan qaıǵyly órtten qandaı sabaq alǵanyn aıtty.
«Eń mańyzdy sabaq — órt sóndirý kezindegi memlekettik organdardyń ózara is-qımyly. Biz habarlandyrý algorıtmin aıqyndadyq. Munymen qosa, órt oshaǵyn barynsha tezirek anyqtaý qajet, sondyqtan biz erte anyqtaý júıesin engizip jatyrmyz. Byltyr eki ulttyq parkte osyndaı júıelerdi ornattyq. Eń bastysy, jedel den qoıý jáne basqa memlekettik organdarmen ózara árekettesýdi qamtamasyz etýge ekpin qoıý kerek. Atap aıtqanda, ótken jyldardaǵy órtterdiń qaıtalanbaýyna bar kúsh-jigerimizdi salamyz», — dedi mınıstr.
Bıyl sáýir aıynda Prezıdent Qasym-Jomart Toqaevtyń tóraǵalyǵymen Úkimettiń keńeıtilgen otyrysynda qurǵaqshylyq pen sý tapshylyǵy máselesin kóterip, sý únemdeý tehnologııasyn keń aýqymda engizýdi tapsyrdy.
