Ekologııa mınıstrligi Qytaıǵa 1,5 myń kıik berý týraly pikir bildirdi

ASTANA. KAZINFORM — Ekologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıteti Qazaqstannyń Qytaıǵa 1,5 myń kıik berýi jóninde málimdeme jasady.

Búgin «Ortalyq Azııa-Qytaı» ekinshi sammıti aıasynda Prezıdent Qasym-Jomart Toqaev Qytaı Halyq Respýblıkasyna 1,5 myń kıik berý týraly sheshim qabyldady.

— Qytaı tarapymen janýarlardy berý mehanızmi pysyqtalady. Buryn Qytaıdyń batys bóligi kıikterdiń meken etý ortasyna kirgen. Alaıda, XIX ǵasyrdyń ekinshi jartysynda adamdardyń qarqyndy qonystanýyna baılanysty kıikterdiń meken etý ortasy men sany aıtarlyqtaı azaıdy. Bıyl kóktemdegi esep boıynsha Qazaqstandaǵy kıik sany 3,9 mıllıonǵa jetti. Osylaısha 1974 jylǵy tarıhı maksımýmynan (1,2 mln) asyp tústi, — dep jazylǵan málimdemede.

Aıta keteıik, kıik sanyn retteý is-sharalary kúzde bastalýy múmkin ekeni týraly jazǵan edik.

Kıik sanyn retteýge, aýlaýǵa qatysty ǵalymdardyń bıologııalyq negizdemesi áli daıyn emes. Dál osy qujatqa, sáıkes, kıiktiń belgili bir sanyn aýlaý máselesi kóteriledi.

Sondaı-aq, ańshylarǵa tek analyq kıikti atýǵa ruqsat bekitilýi múmkin.