Ekologııa mınıstrligi fototuzaqtyń kómegimen sútqorektilerdiń bıoalýantúrliligin zerttemek
ASTANA. KAZINFORM – QR Ekologııa jáne tabıǵı resýrstar mınıstrliginiń Orman sharýashylyǵy jáne janýarlar dúnıesi komıteti Sharyn memlekettik ulttyq tabıǵı parkiniń aýmaǵynda sútqorektilerdiń bıoalýantúrliligin zertteý úshin fototuzaq ornatqan.
Bul týraly komıtettiń Instagram paraqshasynan málim boldy.
Onda ornatylǵan qurylǵylar janýarlardy baqylaý jáne esepke alý úshin óte tıimdi qural bolyp tabylatyndyǵy aıtylady.
«Kadrlar 2024 jyly Sharyn memlekettik ulttyq tabıǵı parkinde ornatylǵan fototuzaqtar arqyly túsirilgen. Tómende Qazaqstannyń taýly aımaǵyndaǵy janýarlar – taýteke men túlkiniń sýretteri keltirilgen. Árbir tirkelgen kadr tabıǵatymyzdyń baılyǵyn jáne ony qorǵaýdyń mańyzdylyǵyn eske salady. Tabıǵatty saqtaý úshin birge jumys jasaıyq!»,-delingen QR ETRM Orman sharýashylyǵy jáne janýarlar dúnıesi komıtetiniń Instagram-daǵy resmı paraqshasynda.
«Altyn-Emel» parkinde sileýsin fototuzaqqa túsip qalǵanyn jazdyq.
