Ekologııa mınıstri: Qyzyl kitapqa engen ıtbalyqty uryp-soǵý jaǵdaıy budan keıin qaıtalanbaýy tıis
Іs-sapar barysynda ol oblystyq ekologııalyq depertament mamandarymen kezdesip, birqatar qyzmetkerlerdi vedomstvolyq Qurmet gramotasymen marapattady.
Departamentke paıdalanýǵa berilgen atmosferalyq aýa sapasyn áýeden onlaın baqylaıtyn portatıvti gazoanalızatorly pılotsyz apparatpen tanysty. Aldaǵy ýaqytta basqa óńirlerde de aýany lastaýshy óndiris oryndaryn jedel anyqtaý úshin osyndaı quraldar alynbaq.
Maǵzum Myrzaǵalıevtiń sózinshe, ıtbalyqty emdeý jumysy úshin tıisti mamandar daıarlaý máselesin de jolǵa qoıý qajet.
«Kaspıı ıtbalyqtaryn zertteý jáne qalpyna keltirý ortalyǵyna bardym. Munda jaraqat alǵan, aýyrǵan sý sútqorektilerin emdep, meken etý ortasyna qaıta jiberedi. Mınıstrlik óz tarapynan ortalyqty keńeıtý, jabdyqtandyrý jumysyna qoldaý kórsetýge daıyn. Biz úshin árbir ıtbalyqtyń ómiri qymbat», - dep jazdy mınıstr Twitter paraqşasynda.
Maǵzum Myrzaǵalıev ekologııalyq departament ókilderimen jáne «Qazgıdromet» RMK, oblystyq aýmaqtyq orman sharýashylyǵy jáne ósimdikter álemi ınspektsııa mamandarymen jınalys ótkizip, ekologııa, tabıǵatty qorǵaý máselelerinde jergilikti halyqpen keri baılanysty kúsheıtýge tapsyrma berdi.
Mınıstr, sonymen birge, «Qazazot» JShS ónerkásip ornyn, Caspian Riviera balyq sharýashylyǵy mekemesin aralap kórdi. Qazazot basshylyǵymen kezdesý barysynda zaýyttyń atmosferalyq aýaǵa shyǵaryndylary kólemin azaıtý máselesi talqylandy.
Sonda-aq, Ekologııa mınıstri Kaspıı ıtbalyqtaryn zertteý jáne qalpyna keltirý ortalyǵynyń jumysymen de tanysty. Aıta keteıik, ortalyq veterınarlary jaqynda Qyzyl kitapqa engen sý sútqorektileri jaraqattanyp, jaǵaǵa shyǵyp qalǵanda alǵashqy kómek kórsetip, qutqarý jumysymen aınalysady.
«Jalpy, Qyzyl kitaptaǵy ıtbalyqty uryp-soǵý jaǵdaıy budan keıin qaıtalanbaýy tıis. Sondyqtan keleshekte bizdiń mamandarymyz eriktilerdi tartyp, oqý kýrstaryn ótkizbek»,- dedi mınıstr.
