Ekologııa mınıstri qoryq aýmaǵynan ýran óndirý jobasy týraly pikir bildirdi

NUR-SULTAN. QazAqparat – Ekologııa, geologııa jáne tabıǵı resrýrstar mınıstri Maǵzum Myrzaǵalıev Ońtústik Qazaqstan memlekettik qoryq aımaǵynyń aýmaǵynda ýran óndirý jobasy týraly pikir bildirdi, dep habarlaıdy QazAqparat tilshisi.

«Bul jerde áńgime naqty qoryq týraly emes. Joba Ońtústik Qazaqstan memlekettik qoryq aımaǵynyń aýmaǵynda josparlanǵan. Ony «QazAtomÓnerkásiptiń» birlesken kásiporny qolǵa alyp jatyr. Naqty kimmen birlesken kásiporny ekeni esimde joq. Qytaı bolýy da múmkin. Óıtkeni eki eldiń birlesken kásiporyndary bar. Qazir naqty joba joq. Ol joba bizdiń ekologııa departamentiniń qaraýyna kelip túsedi. Sol kezde bul máseleni jeke qaraýǵa bolady dep oılaımyn», - dep qysqa qaıyrdy mınıstr.

Atalmysh kezdesýde Maǵzum Myrzaǵalıev Kóbeıtuzdyń sýy men tuzy adam aǵzasyna qaýip tóndirýi múmkin degen boljam aıtty.

«Kóbeıtuzda byltyr aýdandyq ákimdik kordon qoıǵan. Odan ári qaraı kólikpen ótýge bolmaıdy. Ekinshiden, taǵy qaıtalap aıtam, kólge barý adamdardyń densaýlyǵyna qaýipsiz emes», - dedi Ekologııa, geologııa jáne tabıǵı resrýrstar mınıstri.