Ekologııa mınıstri Kaspıı teńizin zertteý rásiminiń qaı kezeńde ekenin aıtty

ASTANA. QazAqparat – QR Ekologııa, geologııa jáne tabıǵı resýrstar mınıstri Serikqalı Brekeshev Kaspıı teńizin zertteý jumystaryna qatysty pikir bildirdi, dep habarlaıdy QazAqparat tilshisi.

«Bul zertteýlerdi qysqa merzimde júrgizý múmkin emes. Qazirgi kezde TShO men NCOC kompanııalarymen tıisti ýaǵdalastyq bar. Bul rette tender ashyq túrde júrgiziledi. Oǵan bizdiń táýelsiz ekologııalyq uıymdar men ǵylymı-zertteý ınstıtýttary qatysa alady», - dedi S. Brekeshev Senattyń jalpy otyrysynan keıin tilshiler saýalyna jaýap bere otyryp.

Onyń aıtýynsha, qazir tenderge qatysty rásimder júrip jatyr.

«Osy jumysty jalǵastyryp jatyrmyz jáne turaqty baqylaýda ustaımyz. Biz úshin teńiz jáne jaǵalaýda ken oryndaryn ıgerýdiń antropogendik áserin, sondaı-aq adam densaýlyǵy men qorshaǵan ortaǵa yqpalyn zertteý mańyzdy bolyp tur. Onyń naqty merzimin dál qazir aıta almaımyn. Degenmen tender ótkizý rásimderi júrip jatyr», - dedi mınıstr.