Ekologııa mınıstri: Iesiz ıtterge baılanysty shaǵym shynymen kóp

ASTANA. QazAqparat – Ekologııa jáne tabıǵı resýrstar mınıstri Zúlfııa Súleımenova Úkimettiń keńeıtilgen keńesinen keıin ıesiz ıtterdiń máselesi týraly pikir bildirdi, dep habarlaıdy QazAqparat tilshisi.

«Shynymen de ıesiz ıtterge baılanysty shaǵym kóp. Ekologııa mınıstrliginiń ıesiz janýar kútiminiń jaýapkershiligine baılanysty shuǵyl jeli qurýyndaǵy sebeptiń biri osy shaǵymdardyń kóptiginde edi. Shaǵymnyń sıpaty árkelki. Bireýler janýarlarǵa degen qatigezdikke shaǵymdansa, taǵy bir top jabaıylanyp ketken úı janýarlarynyń adamǵa shabatynyn alǵa tartady. Іri deneli ıtin qaraýsyz jiberetin adamdar da bar. Olar balalarǵa shabady degendeı», - dedi ol.

Sondaı-aq, vedomstvo basshysy janýarlardyń kútimine baılanysty zań qoldanysqa engeli kóp bolmaǵanyn eske saldy.

«Janýar kútiminiń jaýapkershiligi týraly zańnyń jańa qujat ekenin túsiný kerek. Normalarynyń bári birdeı kúshine enip úlgergen joq. Mysaly, úı haıýanattaryna chıp salýdy mindetteıtin norma 1 qyrkúıekte kúshine enedi», - dedi Zúlfııa Súleımenova.

Sondaı-aq, mınıstr ıesiz ıtter ustaıtyn oryndarǵa qoıylatyn talaptar birizdendiriletinin aıtty.