Ekologııa mınıstri geologtardy kásibı merekesimen quttyqtady

NUR-SULTAN. QazAqparat – QR Ekologııa, geologııa jáne tabıǵı resýrstar mınıstri Maǵzum Myrzaǵalıev geologtardy kásibı merekesimen quttyqtady, dep habarlaıdy QazAqparat tilshisi.

«Búgin elimizdiń geologtary kásibı mereke - Geolog kúnin atap ótýde. Bul ataýly datany osydan 10 jyl buryn QR Tuńǵysh Prezıdenti N.Nazarbaev belgilep berdi.

Biz ken oryndary men salanyń damýy týraly aıtqanda uly ǵalym Qanysh Sátbaev pen onyń múddelesterin de zor qurmetpen eske alamyz.

Injener-geologtardyń eńbegimen elimizdiń turaqty ekonomıkalyq damýyn qamtamasyz etip kele jatqan barlyq ken oryndary ashyldy desek bolady», dep jazdy mınıstr Twitter -degi paraqshasynda.

Maǵzum Myrzaǵalıevtiń aıtýynsha, elimizde ıgerilip jatqan ken oryndarynyń kóptigine qaramastan, Qazaqstannyń jer qoınaýynyń jańa kender ashylýynyń áli de potentsıaly joǵary.

«Geologııa salasynyń barlyq qyzmetkerleri men ardagerlerin kásibı merekelerimen quttyqtaımyn! Jer qoınaýyn zertteýde jańa ashylýlar tileımin. Densaýlyqtaryńyz myqty, otbasylaryńyz ben jaqyndaryńyz aman bolsyn!», - dedi mınıstr.